కరోనా కట్టడి చర్యల్లో భాగంగా, కీలకంగా మారిన వ్యాక్సిన్ల కొరతపై కేంద్రం కీలక నిర్ణయం తీసుకుంది. ప్రస్తుతం దేశ వ్యాప్తంగా వ్యాక్సిన్ల కొరత నెలకొనివుంది. దీన్ని అధిగ‌మించ‌డానికి కేంద్ర స‌ర్కారు హైద‌రాబాద్‌లోని బ‌యోలాజిక‌ల్-ఈ తో ఒప్పందం కుదుర్చుకుంది.
ఇందుకుగానూ మొత్తం రూ.1500 కోట్లు ముందస్తుగా చెల్లించింది. ఇప్ప‌టికే 1, 2 ద‌శ‌ల క్లినిక‌ల్ ట్ర‌య‌ల్స్ నివేదికను కేంద్ర ప్ర‌భుత్వానికి బ‌యోలాజిక‌ల్-ఈ సంస్థ అంద‌జేసింది. ప్రస్తుతం మూడో ద‌శ క్లినిక‌ల్ ట్ర‌య‌ల్స్ జ‌రు‌పుతోంది. కొన్ని రోజుల్లో ఈ కొత్త వ్యాక్సిన్ అందుబాటులోకి రానుందని కేంద్ర ఆరోగ్య శాఖ ఈ రోజు విడుద‌ల చేసిన ఓ ప్ర‌క‌ట‌న‌లో పేర్కొంది
