అమ్మాయిలను కంటికి రెప్పలా కాపాడాల్సిన హాస్టల్ మహిళా వార్డన్.. నీచానికి దిగజారింది. తాను వార్డెన్‌గా ఉంటున్న హాస్టల్ నిర్వాహకుడితో ఐదుగురు అమ్మాయిలను వంటిపై నూలుపోగులేకుండా నగ్నంగామారి.. ఉల్లాసంగా ఉండాలంటూ హుకుం జారీచేసింది. ఆ విద్యార్థినిలు ఈ విషయాన్ని తమ తల్లిదండ్రులకు చేరవేయడంతో కథ అడ్డం తిరిగి ఇపుడు జైలు ఊచలు లెక్కిస్తోంది. తమిళనాడు రాష్ట్రంలోని కోయంబత్తూరు నగరంలో ఈ ఘటన జరిగింది. ఈ వివరాలను పరిశీలిస్తే...
కోయంబత్తూరు పీలమేడు బాలరంగనాధపురంలో 'దర్శనా' పేరుతో ఓ మహిళా వసతి గృహం ఉంది. ఇక్కడ అనేక మంది అమ్మాయిలు బస చేస్తూ విద్యాభ్యాసం చేస్తున్నారు. అయితే, ఇటీవల ఆ హాస్టల్ నిర్వాహకుడు జగన్నాథన్‌ (48) పుట్టిన రోజు వేడుకలు జరిగాయి. ఆ సందర్భంగా పుట్టిన రోజు పార్టీ కోసమంటూ ఐదుగురు అమ్మాయిలను హాస్టల్ వార్డెన్ పునిత (32) తీసుకెళ్ళారు.
పార్టీ అయిన తర్వాత జగన్నాథన్‌తో నగ్నంగా మారి ఉల్లాసంగా గడుపమంటూ వారిని బలవంతపెట్టింది. అందుకు అంగీకరించని ఆ యువతులు విషయాన్ని తమ తల్లిదండ్రులకు చేరవేశారు. వారు పోలీసులకు వారు ఫిర్యాదు చేయడంతో అరెస్టు భయంతో జగన్నాథన్‌, పునీత కనిపించకుండా పారిపోయారు. ఈ నేపథ్యంలో నాలుగు రోజులకు ముందు హాస్టల్ నిర్వాహకుడు జగన్నాధన్‌ తిరునల్వేలి జిల్లా ఆలంకుళం వద్దనున్న బావిలో అనుమానాస్పద రీతిలో శవంగా పడి ఉండగా కనుగొన్నారు.
ఈ విషయం తెలుసుకున్న పునీత... అజ్ఞాతవాసం వీడి బుధవారం ఉదయం కోయంబత్తూరు ఆరో నెంబర్‌ మేజిస్ట్రేట్‌ కోర్టులో లొంగిపోయింది. ఆమెను ఈ నెల 14 వరకూ జ్యుడీషియల్‌ కస్టడీకి పంపుతూ ఆదేశాలిచ్చారు. దీంతో పోలీసులు పునీతను కోయంబత్తూరు సెంట్రల్‌ జైలుకు తరలించారు. పోలీసులు పునీతను తమ కస్టడీలోకి తీసుకుని విచారణ జరిపేందుకు సన్నాహాలు చేపడుతున్నారు.
