నిర్భయ వంటి ఘటనలు సంభవించినా.. ఆ పేరుతో చట్టాలొచ్చినా.. మహిళలపై అఘాయిత్యాలు ఏమాత్రం తగ్గట్లేదు. మహిళల భద్రత కోసం కఠినమైన శిక్ష అమలు చేయాలని.. ఇందుకోసం చట్ట సవరణలు చేయాలంటూ మహిళా సంఘాలు డిమాండ్ చేస్తున్నా ఫలితం అంతంత మాత్రంగానే వుంది. తాజాగా జూనియర్ డాక్టర్‌పై ఓ సీనియర్ డాక్టర్ అత్యాచారానికి పాల్పడ్డాడు. ఈ ఘటన దేశ రాజధాని ఢిల్లీలో చోటుచేసుకుంది.
విధుల్లో వుండగానే ఆమెను డిన్నర్‌కు రావాల్సిందిగా ఆహ్వానించాడు. ఆపై డ్యూటీ రూమ్ తలుపులేసి ఆమెపై అఘాయిత్యానికి పాల్పడ్డాడు. ఈ ఘటనపై బాధితురాలి ఫిర్యాదు మేరకు పోలీసులు కేసు నమోదు చేసుకుని గుర్ దీప్ సింగ్‌ను అరెస్ట్ చేశారు. పోలీసులు జరిపిన దర్యాప్తులో.. బాధితురాలికి చేసిన వైద్య పరీక్షల్లో సీనియర్ డాక్టర్ నిందితుడని తేలింది.
