ఢిల్లీలో దట్టమైన పొగమంచు.. రైళ్ల, విమాన రాకపోకలకు అంతరాయం..

దేశ రాజధాని ఢిల్లీ ప్రజలకు పొగమంచుతో ఇబ్బందులు తప్పట్లేదు. వాయు కాలుష్యంతో ఇప్పటికే ప్రజలు ఇబ్బంది పడితే తాజాగా, ఢిల్లీ పరిసర ప్రాంతాల్లో దట్టమైన పొగమంచు వ్యాపించింది. దీంతో రవాణ వ్యవస్థకు తీవ్ర అంతరాయం ఏర్పడింది. 

పొగమంచు కారణంగా 8 అంతర్జాతీయ విమానాలు, 5 దేశీయ విమాన సర్వీసులు, 81 రైళ్ల రాకపోకలకు అంతరాయం ఏర్పడింది. 3 అంతర్జాతీయ విమాన సర్వీసులు, 3 రైళ్ల సర్వీసులు రద్దయ్యాయి. బుధవారం ఉదయం ఢిల్లీలో ఉష్ణోగ్రతలు కనిష్ట స్థాయికి పడిపోయాయి. ఢిల్లీ-నోయిడా, ఢిల్లీ గుర్గావ్‌ ఎక్స్‌ ప్రెస్‌ వేస్‌ లో ట్రాఫిక్‌ స్తంభించిపోయింది.

కాగా దీపావళి తర్వాత ఢిల్లీలో గాలి కాలుష్యం అమాంతం పెరిగిపోయింది. దీనివల్ల కొన్ని పాఠశాలలు బయట కార్యక్రమాలను వాయిదా వేయడమే కాకుండా ఆస్తమా విద్యార్థులను స్కూల్‌కు రావద్దని సూచించాయి. ఈ నేపథ్యంలో పొగమంచు కారణంగా ఢిల్లీ వాసులు ఇబ్బందులు ఎదుర్కొంటున్నారు.