భారత 75వ వజ్రోత్సవ వేడుకలు సోమవారం దేశ వ్యాప్తంగా వాడవాడలా జరిగాయి. ప్రతి ఒక్క పౌరుడుతో పాటు ప్రతి ఒక్క రాష్ట్ర ప్రభుత్వం ఈ వేడుకలను ఘనంగా నిర్వహించింది. అదేసమయంలో ఈ స్వాతంత్ర్య వేడుకలను పురస్కరించుకుని హర్ ఘర్ తిరంగా పేరుతో ప్రారంభించిన ప్రచారం వెబ్‌సైట్ త్రివర్ణ పతాకాలతో నిండిపోయింది. ఏకంగా ఐదు కోట్ల సెల్పీలు ఈ వెబ్‌సైట్‌లో అప్లోడ్ చేశారు.
స్వాతంత్ర్య వేడుకలను పురస్కరించుకుని ప్రతి ఒక్కరూ తమతమ గృహాలపై త్రివర్ణ పతాకాన్ని ఎగురవేయాలని ప్రధాని నరేంద్ర మోడీ పిలుపునిచ్చారు. ఇది 'హర్ ఘర్ తిరంగా' ఉద్యమంలా సాగాలని కోరారు. ఈ పిలుపునకు స్పందించిన దేశ ప్రజలు ఈ వెబ్‌సైట్‌లో తమ ఇళ్లముందు ఎగురవేసిన జాతీయ జెండాలతో దిగిన సెల్ఫీలను తీసి వాటిని హర్ ఘర్ తిరంగా వెబ్‌సైట్‌లో అప్లోడ్ చేశారు.
ప్రచారాన్ని ఒక అడుగు ముందుకు వేస్తూ, సాంస్కృతిక మంత్రిత్వ శాఖ, ‘ఆజాదీ కా అమృత్ మహోత్సవ్’ నోడల్ ఏజెన్సీ, ప్రజలు తమ జెండాతో సెల్ఫీలు తీసుకుని ప్రచార వెబ్‌సైట్ www.harghartirang.comలో అప్లోడ్ చేసే వెసులుబాటును కల్పించాయి.
