లైంగికదాడి, హత్యాయత్నం అభియోగాలతో విచారణను ఎదుర్కొంటూ, ప్రస్తుతం జైలులో వున్న ఎమ్మెల్యే కుల్దీప్‌ సింగ్‌ సెంగార్‌ ప్రధానమంత్రి నరేంద్రమోడీ, కేంద్ర హౌం మంత్రి అమిత్‌షా, యూపీ సీఎం యోగి ఆదిత్యనాథ్‌లతో కలసి ఉన్న ఫొటోను ఆ యాడ్‌లో ముద్రించారు.
'ఆయన మా ప్రాంత ఎమ్మెల్యే. అందువల్లే ఆయన ఫొటోను వేశాం. ఆయన ఎమ్మెల్యేగా ఉన్నంతవరకూ ఫొటోను వేస్తూనే ఉంటాం' అని బిజెపి నాయకుడు, ఉంగూనగర్‌ పంచాయతి చైర్మెన్‌ అనుజ్‌కుమార్‌ దీక్షిత్‌ చెప్పారు. అన్న కష్టాల్లో ఉన్నాడనీ, ఆయన త్వరగా బయటికి రావాలని కోరుకుంటున్నా మంటూ ఇటీవల హర్దోరు బిజెపి ఎమ్మెల్యే ఆయనకు మద్దతుగా వ్యాఖ్యానించిన విషయం తెలిసిందే.
