తమ దేశ వీసా కోసం నెలల తరబడి నిరీక్షించే వారికి అగ్రరాజ్యం శుభవార్త చెప్పింది. ఇక నుంచి శనివారాల్లోనూ వీసాలకు ఇంటర్వ్యూలు నిర్వహిస్తామని తెలిపింది. ఇందులోభాగంగా, వీసా దరఖాస్తుల కోసం శనివారాల్లో ప్రత్యేక స్లాట్లు కేటాయించనున్నారు. ఇందుకోసం అమెరికా నుంచి భారత్‌కు మరింత మంది దౌత్య అధికారులను కూడా పంపించనుంది.
ఇందులోభాగంగా, ఇప్పటికే ఈ నెల 21వ తేదీన ఇంటర్వ్యూలు కూడా నిర్వహించారు. వీసా ఇంటర్వ్యూలకు హాజరచ్యే వారి కోసం ఢిల్లీ, చెన్నై, ముంబై, కోల్‌కతా, హైదరాబాద్ నగరాల్లోని అమెరికన్ రాయబార కార్యాలయాల్లో ప్రత్యేకంగా కార్యకలాపాలు నిర్వహించారు.
అలాగే, వీసాలా జారీ ప్రక్రియ సామర్థ్యాన్ని మరింత పెంచేందుకు వీలుగా జనవరి - మార్చి మధ్య వాషింగ్టన్, ఇతర ఎంబీసల నుంచి పదుల సంఖ్యలో అధికారులు భారత్‌కు రానున్నారు. ఈ వేసవి కల్లా భారత్‌లోని అమెరికా దౌత్య కార్యాలయాల్లో అదనపు సిబ్బంది సాయంతో వీసాల జారీ ప్రక్రియ కరోనా ముందునాటి పరిస్థితికి చేరుకుంటుందని అమెరికా అధికారులు తెలిపారు.
