భార్యాభర్తల మధ్య అనుబంధాలు సన్నగిల్లుతున్నాయి. ఆప్యాయతలు కనుమరుగవుతున్నాయి. అక్రమ సంబంధాలు పెరిగిపోతున్నాయి. తద్వారా నేరాలు, మనస్పర్ధలు, విడాకులు పెచ్చరిల్లిపోతున్నాయి. తాజాగా మరో మహిళతో ఓ షాపింగ్ కాంప్లెక్స్‌లో భార్యకు రెడ్‌హ్యాండెడ్‌గా భర్త దొరికిపోవడంతో అందరి ముందే ఆ భర్త తలదించుకోక తప్పలేదు. భార్యాభర్తల గొడవ క్లాంపెక్స్‌లో చోటుచేసుకోవడంతో వారు ఘర్షణకు దిగడంతో పోలీసులు ఎంటరవ్వాల్సి వచ్చింది.
ఈ ఘటన యూపీలోని మీరట్‌లో వెలుగుచూసింది. భార్యాభర్తల గొడవ కాస్తా సోషల్‌ మీడియాలో వైరల్‌గా మారింది. మీరట్‌ సెంట్రల్‌ మార్కెట్‌లో ఈ ఘటన చోటుచేసుకుంది. వివరాల్లోకి వెళితే.. అద్నాన్‌ అనే వ్యక్తి వేరే మహిళతో మార్కెట్‌కు రాగా ఆయన భార్య ఆయేషా వారిద్దరినీ పసిగట్టింది. దీంతో భార్యాభర్తలు వాదులాడుకుంటుండగా చుట్టూ జనం పోగయ్యారు. ఇంతలో అక్కడికి చేరుకున్న పోలీసులు వారిద్దరినీ స్టేషన్‌కు తరలించారు.
