తమిళనాడు ముఖ్యమంత్రి జయలలిత చికిత్స పొందుతున్న చెన్నై అపోలో ఆస్పత్రి వద్ద ఓ యువతి హల్‌చల్ సృష్టించింది. తాను ముఖ్యమంత్రి జయలలిత మేనకోడలిని అని, మా అత్తను చూసేందుకు అనుమతి ఇవ్వాలంటూ హంగామా చేసింది. దీంతో ఆస్పత్రి సిబ్బందితో పాటు పోలీసులు కూడా కొద్దిసేపు హైరానా పడ్డారు.
దీంతో ఆసుపత్రి గేటు వద్ద పడిగాపులు కాస్తున్న ఆమెను మీడియా పలుకరించగా, తన అత్తయ్య ఆరోగ్యం బాగుండలేదని సమాచారం తెలుసుకున్న వెంటనే ఇక్కడికి వచ్చేశానని, అయితే, తన అత్తయ్యను చూసేందుకు అధికారులు అనుమతించడం లేదని వాపోయింది. ఈ సందర్భంగా తమ కుటుంబ వివరాలను కూడా ప్రస్తావించింది.
