కాంగ్రెస్ పార్టీకి చెందిన సీనియర్ నేత, మధ్యప్రదేశ్ రాష్ట్ర మాజీ ముఖ్యమంత్రి కమల్‌నాథ్‌కు భారత ఎన్నికల సంఘం తేరుకోలేని షాకిచ్చింది. ఎన్నికల కోడ్‌ను కమల్నాథ్ పదేపదే ఉల్లంఘించినందుకే ఈ నిర్ణయం తీసుకున్నట్లు ఎన్నికల సంఘం తెలిపింది.
కాంగ్రెస్ నుంచి ఇటీవల బీజేపీలో చేరి అసెంబ్లీకి పోటీచేస్తున్న ఓ మహిళా అభ్యర్థి పట్ల మధ్యప్రదేశ్ మాజీ సీఎం కమల్నాథ్ అనుచిత వ్యాఖ్యలు చేసిన సంగతి తెలిసిందే. గ్వాలియర్‌లోని డాబ్రా నియోజకవర్గంలో ఎన్నికల సభలో కమల్నాథ్ మాట్లాడుతూ.. కాంగ్రెస్ అభ్యర్థి సాధారణమైన వారని, ఆమె లా 'ఐటెం' కాదని బీజేపీ అభ్యర్థి ఇమర్తీ దేవిని ఉద్దేశించి అన్నారు.
