బంగ్లాదేశ్ నుంచి రాక్షసి వెళ్లిపోయిందంటూ బంగ్లాదేశ్, తాత్కాలిక ప్రభుత్వ సారథిగా ఎన్నికైన నోబెల్ అవార్డు గ్రహీత మహమ్మద్ యూనిస్ తనను కలిసిన విద్యార్థులతో అన్నారు. పైగా, విద్యార్థులను తాను గౌరవిస్తానని వారికి హామీ ఇచ్చారు.
బంగ్లాదేశ్, తాత్కాలిక ప్రభుత్వ సారథిగా గత గురువారం ప్రమాణస్వీకారం చేసిన విషయం తెల్సిందే. గత ఆదివారం రాత్రి ఆయన విద్యార్థులతో సమావేశమయ్యారు. ఈ సందర్భంగా ఆందోళనలను ముందుండి నడిపించిన విద్యార్థి సంఘాల నాయకులను ఆయన ప్రశంసించారు.
ఆ తర్వాత ఆయన మీడియాతో మాట్లాడుతూ, యూనస్ మాజీ ప్రధాని షేక్ హసీనాను ఉద్దేశించి 'మాన్‌స్టర్ (రాక్షసి) వెళ్లిపోయింది' అంటూ ఘాటుగా వ్యాఖ్యానించారు. విద్యార్థుల వరుస నిరసనల తర్వాత దేశం నుంచి పారిపోయిన మాజీ ప్రధాని హసీనాను ఉద్దేశించి 'చివరిగా ఈ క్షణం వచ్చింది. రాక్షసి వెళ్లిపోయింది' అన్నారు.
దాంతో ఐదుసార్లు ప్రధానమంత్రిగా పనిచేసిన షేక్ హసీనా తన పదవికి రాజీనామా చేసి, దేశం నుంచి వెళ్లిపోవడానికి దారితీసింది. ఆ తర్వాత మహమ్మద్ యూనస్ నేతృత్వంలో బంగ్లాదేశ్లో తాత్కాలిక ప్రభుత్వం ఏర్పాటైన విషయం తెలిసిందే.
