మహారాష్ట్ర రాజకీయాల్లో పెను సంచలనం చోటుచేసుకుంది. అధికార బీజేపీ కూటమిలోని నేషనలిస్ట్ కాంగ్రెస్ పార్టీ (ఎన్సీపీ) సీనియర్ నేత అజిత్ పవర్ చేరిపోయారు. ఆ పార్టీ అధినేత శరద్ పవార్‌కు వ్యతిరేకంగా పార్టీని రెండుగా చీల్చిపారేశారు. తన వర్గానికి చెందిన దాదాపు 20 మందితో ఆయన బీజేపీలో చేరిపోయారు. ఆ తర్వాత గవర్నర్ను కలవడం, ఉప ముఖ్యమంత్రిగా ప్రమాణ స్వీకారం చేయడం అంతా క్షణాల్లో జరిగిపోయింది.
వీరంతా సీఎం ఏక్‌నాథ్ షిండే ప్రభుత్వానికి మద్దతు ప్రకటించారు. ఆ తర్వాత మహారాష్ట్ర డిప్యూటీ సీఎంగా అజిత్ పవార్ ప్రమాణ స్వీకారం చేశారు. మరో ఇద్దరు ఎమ్మెల్యేలు కూడా మంత్రులుగా ప్రమాణ స్వీకారం చేశారు. ఈ ప్రమాణ స్వీకార కార్యక్రమంలో సీఎం షిండే, ఉప ముఖ్యమంత్రి దేవేంద్ర ఫడ్నవిస్ తదితరులు పాల్గొన్నారు.
మహారాష్ట్ర శాసన సభలో ప్రతిపక్ష నేత పదవికి రాజీనామా చేస్తానని ఇటీవల అజిత్ పవార్ చెప్పారు. ఈ నేపథ్యంలో తనకు మద్దతిస్తున్న ఎమ్మెల్యేలతో ఆదివారం ఆయన తన అధికార నివాసం దేవగిరిలో ఆయన సమావేశమై ఆ తర్వాత రాజ్‌భవన్‌కు చేరుకుని షిండే ప్రభుత్వానికి మద్దతు ప్రకటించి, ప్రభుత్వంలో భాగస్వామి అయ్యారు.
