ఈ వివరాలను పరిశీలిస్తే, ముంబైలోని ఓ మూడు నక్షత్ర హోటల్‌లో గుట్టుచప్పుడు కాకుండా వ్యభిచారం సాగుతున్నట్టు నగర పోలీసులకు సమాచారం అందింది. దీంతో పోలీసులు రంగంలోకిదిగి ప్రత్యేక నిఘా సారించారు. ఈ వ్యవహారంలో కందివ్యాలీలో టూర్స్ అండ్ ట్రావెల్స్ నిర్వహిస్తున్న ప్రియాశర్మ, ఈ మొత్తం సెక్స్ రాకెట్ లో ప్రధాన సూత్రధారని గుర్తించారు. హోటల్‌పై దాడి చేయాలని పక్కా ప్లాన్ వేశారు.
తమ ప్లాన్‌లో భాగంగా, ప్రియా శర్మ(29)ను ట్రాప్ చేసిన పోలీసులు, ఆమె, ముగ్గురు ఆర్టిస్టులతో హోటల్‌లో ఉన్న సమయంలో దాడులు జరిపారు. ఓ టీవీ చానెల్ క్రైమ్ షోలో యాంకర్‌గా ఉన్న యువతి, ఓ వెబ్ సీరీస్‌లో నటించిన మైనర్ బాలిక, మరాఠీ చిత్రాలు, సీరియల్స్‌లో రాణిస్తున్న ప్రముఖ నటిని ప్రియా శర్మతో ఉండటాన్ని చూసి, వారిని రెస్క్యూ హోమ్‌కు తరలించారు. ప్రియా శర్మను అరెస్టు చేసి రిమాండ్‌కు తరలించారు.
