పెళ్లిని అడ్డుకున్న ప్రియుడు.. చంపేందుకు పడక సుఖం ఆఫర్ చేసిన ప్రియురాలు..

తనకు వివాహం కాకుండా అడ్డుపడుతున్నాడని భావించిన ఓ యువతి.. ప్రియుడును చంపేందుకు ప్లాన్ వేసింది. ఇందుకోసం హంతకుడికి వైన్ బాటిల్‌తో పాటు.. ఓ రాత్రి పడక సుఖం ఆఫర్ చేసింది. చివరకు ఈ ప్లాన్ విఫలం కావడంతో ఇపుడు జైలు ఊచలు లెక్కిస్తోంది. మహారాష్ట్రలో వెలుగులోకి వచ్చిన ఈ వివరాలను పరిశీలిస్తే,

తన పెళ్లికి అడ్డుపడుతున్న ప్రియుడిని హతమార్చేందుకు ఏ యువతి ఇవ్వని ఆఫర్ ను సుపారీగా ప్రకటించి, తన లక్ష్యం సాధించి, ఇప్పుడు పోలీసులకు చిక్కి కటకటాల వెనక కాలం గడుపుతోంది. తాను చెప్పినట్టు చేస్తే, రూ. 1.50 లక్షల డబ్బుతో పాటు, ఓ రాత్రి ఏకాంతంగా గడుపుతానని ఆమె ఇచ్చిన ఆఫర్ అతనికి నచ్చడంతో, వెంటనే పని పూర్తి చేసేశాడు. ఈ ఘటన మహారాష్ట్రలోని నాగపూర్ లో జరిగింది. పోలీసులు వెల్లడించిన మరిన్ని వివరాల్లోకి వెళితే...

మహారాష్ట్రలోని నాగపూర్‌కు చెందిన చందూ మహాపూర్ అనే వ్యక్తి ఓ విహాహితుడు. ఈయన అదే ప్రాంతానికి చెందిన మరో 20 యేళ్ళ అవివాహిత యువతితో వివాహేతర సంబంధం పెట్టుకున్నాడు. 

అయితే, ఆమెకు ఇటీవల మరో యువకుడితో పెళ్లి నిశ్చయమైంది. ఈ పెళ్లిని ఇష్టపడని చందూ, పెళ్లి చేసుకోవద్దంటూ ఒత్తిడి తెస్తుండటంతో ఆ యువతి తీవ్ర ఆగ్రహంతో అతన్ని చంపించాలని నిర్ణయించుకుంది.

చందూకు దూరపు బంధువు, ఆర్థిక లావాదేవీల విషయంలో గొడవలున్న భరత్ గుర్జార్‌ను కలిసి తన ఆఫర్ చెప్పింది. తాను చెప్పినట్టు చేస్తే, రూ.1.50 లక్షల డబ్బుతో పాటు, ఓ రాత్రి ఏకాంతంగా గడుపుతానని ఆమె ఆఫర్ ఇచ్చింది. 

ఇది అతనికి నచ్చడంతో, మరో ఆలోచన లేకుండా చందూను మద్యం సేవించడానికి పిలిచి, నిర్మానుష్య ప్రాంతంలో తల పగులగొట్టి హత్య చేశాడు. ఈ ఘటన 25వ తేదీ గురువారం జరిగింది. ఆపై మృతదేహాన్ని ఓ క్రషర్ మైన్ వద్ద పడేయగా, గుర్తించిన స్థానికులు పోలీసులకు సమాచారం ఇచ్చారు.

ఆ వెంటనే సీసీటీవీ కెమెరాలను పరిశీలించిన పోలీసులు, చందూను తీసుకెళ్లింది గుర్జార్ అని నిర్దారణకు వచ్చారు. ఆ వెంటనే గుర్జార్‌ను, అతనికి ఆఫర్ ఇచ్చిన యువతిని, ఆమె తల్లిదండ్రులను కూడా అరెస్టు చేశారు. ఇక్కడ ఇంకో ట్విస్ట్ ఏంటంటే, గుర్జార్‌కు అందాల్సిన ఒక రాత్రి ప్రతిఫలం దక్కకముందే విషయం మొత్తం బట్టబయలైంది.