ఫ్యామిలీ కోర్టు తన విడాకుల పిటిషన్‌‌‌‌ను కొట్టివేయడాన్ని వ్యతిరేకిస్తూ ఓ వ్యక్తి చేసిన అప్పీల్ను గురువారం జడ్జిలు జస్టిస్ సునీత్ కుమార్, జస్టిస్ రాజేంద్ర కుమార్‌లతో కూడిన బెంచ్ విచారించింది. ఈ కేసులో భార్యాభర్తలిద్దరూ చాలాకాలం పాటు విడిగా నివసిస్తున్నట్లు స్పష్టమైంది.
భార్య వైవాహిక బంధం పట్ల గౌరవం, వైవాహిక బాధ్యతను నిరాకరించింది. దీంతో వారి వివాహ బంధం తెగిపోయిందని కోర్టు వెల్లడించింది. ఫ్యామిలీ కోర్టు తీర్పుపై అప్పీల్ను విచారించిన బెంచ్ ఈ మేరకు భర్తకు విడాకుల డిక్రీని మంజూరు చేస్తూ తీర్పునిచ్చింది.
