ఓ చిన్నారిపై లైంగిక దాడి కేసులో 12 యేళ్లపాటు జైలుశిక్ష పడిన ఓ కామాంధుడిని సత్ ప్రవర్తన కింద ఏడేళ్లకే జైలు నుంచి విడుదల చేశారు. ఏడేళ్లపాటు జైలుశిక్ష అనుభవించినప్పటికీ అతనిలో ఏమాత్రం మార్పు రాలేదు. ఈ క్రమంలో జైలు నుంచి విడుదలైన ఆ కామాంధుడు మరో మైనర్ బాలికపై అత్యాచారానికి పాల్పడ్డాడు. తాజాగా వెలుగులోకి వచ్చిన ఈ వివరాలను పరిశీలిస్తే,
మధ్యప్రదేశ్ రాష్ట్రంలోని సాత్నా జిల్లాకు చెందిన రాకేశ్ శర్మ ఓ మైనర్ బాలికపై అత్యాచారం కేసులో పదేళ్ళ జైలుశిక్ష పడింది. అయితే, సత్ ప్రవర్తన కారణంగా అతన్ని జైలు అధికారులు ఏడేళ్లకే విడుదల చేశారు. జైలు నుంచి బయటకు వచ్చిన ఆయన... ఇటీవల మరో బాలికపై అత్యాచారానికి పాల్పడ్డాడు.
ఇంటి బయట ఆడుకుంటున్న ఓ చిన్నారిని మభ్యపెట్టి నిర్మానుష్య ప్రాంతానికి తీసుకెళ్లాడు. ఆపై అక్కడ బాలికపై దారుణానికి పాల్పడ్డాడు. కామాంధుడి లైంగికదాడితో తీవ్ర రక్తస్రావమైంది. అయినప్పటికీ ఏమాత్రం కనికరం చూపకుండా ఆ బాలికను అక్కడే వదిలివేసి పారిపోయాడు. బాలిక ఏడుపు విన్న స్థానికులు పోలీసులకు సమాచారం అందించారు. దీంతో వారు ఘటనా స్థలానికి వచ్చి బాలికను ఆస్పత్రికి తరలించారు. దీనిపై కేసు నమోదు చేసి పరారీలో ఉన్న నిందితుడి కోసం గాలిస్తున్నారు.
