ఆయుధాలను సైతం డ్రోన్ల ద్వారా అందిస్తూ ఉగ్రవాదులను ప్రేరేపిస్తున్నది. మరోవైపు భారత సైన్యం కదలికలను, స్థావరాల సమాచారాలను డ్రోన్ల సహాయంతో తెలుసుకునే ప్రయత్నం చేస్తోంది. ఈ క్రమంలో ఇప్పటికే పాకిస్తాన్‌కు చెందిన పలు డ్రోన్లను భారత సైన్యం తుది ముట్టించింది. తాజాగా ఇలాంటి ఘటనే మరొకటి చోటుచేసుకున్నది.
భారత నియంత్రణ రేఖ వద్ద ఏదో కదులుతున్నట్లు గమనించిన సైన్యం దాన్ని పాకిస్తాన్‌కు చెందిన డ్రోన్‌గా గుర్తించారు. వెంటనే దాన్ని కూల్చేశారు. జమ్మూ కాశ్మీర్ లోని కుప్వారా జిల్లాలో ఈ రోజు ఉదయం 8 గంటలకు ఆ డ్రోన్‌ను కూల్చేశారు. పాక్‌ను అడ్డుకోవడానికి ఎప్పుడు భారత సైన్యం సిద్దంగా ఉంటుందని, చలికాలం కావడంతో మంచు ఎక్కువగా కురుస్తోందని, దీంతో పాక్ ఉగ్రవాదులను సరిహద్దు దాటించేందుకు పాకిస్తాన్ ప్రయత్నిస్తోందని ఆర్మీ అధికారులు తెలిపారు. పైగా ఈ డ్రోన్ చైనా కంపెనీ తయారు చేసిందనీ దీని పేరు మావిక్ 2 ప్రో అని తెలిపారు.
