రాజస్థాన్ రాష్ట్రంలో విషాదకర ఘటన చోటుచేసుకుది. యుద్ధ విమానం ఒకటి కుప్పకూలిపోయింది. రాజస్థాన్ రాష్ట్రంలోని చూరు జిల్లాలో ఈ ప్రమాదం చోటు చేసుకుంది. ఈ ప్రమాదంలో పైలెట్ ప్రాణాలు కోల్పోయారు. చూరు జిల్లా పరిధిలోని ఓ ప్రాంతంలో భారత వాయుసేనకు చెందిన జాగ్వార్ ఫైటర్ జెట్ విమానం కూలిపోయినట్టు స్థానిక అధికారులకు సమాచారం అందింది.
సమాచారం తెలుసుకున్న పోలీసులు, సహాయక బృందాలు సంఘటనా స్థలానికి చేరుకుని సహాయక చర్యలు చేపట్టాయి. ఈ ప్రమాదానికి గల కారణాలు ఇంకా తెలియరాలేదు. ప్రమాద సమాచారం తెలియడంతో ఉన్నతాధికారులు దర్యాప్తు జరుపుతున్నారు.
