పాలిటెక్నిక్ విద్యార్థినిపై లైంగికంగా వేధించి గర్భం ధరింపజేసిన కామాంధుడు పోలీసులకు చిక్కాడు. నీలి చిత్రాలున్నాయని లొంగదీసుకుని అనేక సార్లు ఆమెపై అత్యాచారం చేసిన కామాంధుడిని పోలీసులు అరెస్ట్ చేశారు. నెల్లూరులో జెరాక్స్ షాపు పెట్టుకున్న సురేష్ అనే ఈ కీచకుడు.. పాలిటెక్నిక్ విద్యార్థినిని మాత్రమే కాకుండా అనేక అత్యాచారాలు చేసినట్లు విచారణలో తేలింది.
నిందితుడు పాలిటెక్నిక్ విద్యార్ధినిని నగ్నంగా చిత్రీకరించి పలుమార్లు అత్యాచారానికి పాల్పడ్డాడు. నెల రోజులు క్రితం విద్యార్థిని పోలీస్టేషన్‌లో ఫిర్యాదు చేసినా కేసు నమోదు కాలేదు. న్యాయం జరగకపోవడంతో ఆ విద్యార్థిని ఆత్మహత్యాయత్నానికి పాల్పడింది. దీంతో రంగంలోకి దిగిన పోలీసులు.. ఆ కామాంధుడిని అరెస్ట్ చేశారు. నిందితుడిని ఉరివేయడమే అతనికి సరైన శిక్షని.. సురేష్ అనేకమంది బాలికల జీవితాల్లో ఆడుకున్నాడని స్థానికులు వాపోయారు.
