స్పా సెంటర్ పేరుతో లోపల విదేశీ అమ్మాయిలతో వ్యభిచారం చేస్తున్న గుట్టును పోలీసులు బహిర్గతం చేశాడు. మహారాష్ట్రలోని పూణెలో జరిగిన ఈ వివరాలను పరిశీలిస్తే... పూణే నగరానికి చెందిన అనికేత్ శివాజీ (26) అనే వ్యక్తి ఇంటీరియర్ డిజైనర్‌గా పనిచేస్తూ వచ్చాడు. శివాజీ హరిలాల్ సొసైటీలోని ఓ బంగ్లాను అద్దెకు తీసుకొని దానిలో తన స్నేహితులైన ఇమ్రాన్ అలీహుసేన్, కాకుసింగ్ చంద్రసింగ్‌లతో కలిసి విదేశీ అమ్మాయిలో స్పా పేరిట సెక్స్ రాకెట్ నిర్వహిస్తున్నాడు.
పూణే పోలీసు క్రైం బ్రాంచి పోలీసు కానిస్టేబుల్ సంజయ్‌కు ఈ సెక్స్ రాకెట్ బాగోతంపై సమాచారం అందింది. అంతే పూణే పోలీసు బృందం ఆకస్మికంగా దాడి చేసి తనిఖీలు చేయగా స్పాలో సెక్స్ రాకెట్ నిర్వహిస్తున్నట్లు తేలింది. స్పాలో వ్యభిచారం చేస్తున్న ఐదుగురు థాయ్‌లాండ్‌కు చెందిన అమ్మాయిలను పోలీసులు అదుపులోకి తీసుకున్నారు. ఈ స్పా సెంటర్‌లో విదేశీ అమ్మాయిలతో పెద్ద ఎత్తున వ్యభిచారం సాగిస్తున్నట్టు పోలీసుల విచారణలో వెల్లడైంది. దీనిపై కేసు నమోదు చేసి దర్యాప్తు జరుపుతున్నారు.
