తమవద్దకు వచ్చే విద్యార్థులకు నాలుగు మంచి మాటలు చెప్పి.. విద్యాబుద్ధులు నేర్పి.. సమాజంలో మంచి పౌరులుగా తీర్చిదిద్దాల్సిన ఓ ప్రిన్సిపాల్... ఏకంగా విద్యార్థినులు పరువు మంటగలిపేలా ప్రవర్తించారు. ఎవరు నెలసరిలో ఉన్నారో తెలుసుకునేందుకు ఆ కళాశాల ప్రిన్సిపాల్.. బాలికలను బాత్రూమ్‌లోకి తీసుకెళ్లి పరీక్షించారు. ఈ ఘటన రాజస్థాన్ రాష్ట్రంలోని రాజ్‌కోట్‌లో వెలుగుచూసింది. ఈ ఘటన వైరల్ కావడంతో పూర్తిస్థాయి విచారణకు ఓ త్రిసభ్య కమిటీ ఏర్పాటైంది.
ఈ వివరాలను పరిశీలిస్తే, గుజరాత్‌లోని భుజ్ ప్రాంతంలో ఓ మహిళా కాలేజీవుంది. కళాశాలలోని వంట గదిలో కొన్ని వాడిన శానిటరీ ప్యాడ్లు కనిపించాయి. వీటిని గమనించిన హాస్టల్ వార్డెన్.. విషయాన్ని ప్రిన్సిపాల్ దృష్టికి తీసుకెళ్లింది. ఈ మాట వినగానే ఆమెకు కట్టలు తెంచుకుంది. ఆగ్రహంతో ఊగిపోయారు.
పైగా, కాలేజీ నిబంధనను ఉల్లంఘించిన విద్యార్థిని ఎవరో గుర్తించాలని ఆమె భావించి, తొలుత తప్పు చేసింది ఎవరో చెప్పాలంటూ కోరింది. దీంతో ఇద్దరు విద్యార్థినులు ముందుకు వచ్చారు. అయినప్పటికీ ఆ ప్రిన్సిపాల్ ఆగ్రహం చల్లారలేదు.
అంతే, 68 మంది విద్యార్థినులను ఒక్కొక్కరిగా పరీక్షించారు. ఒక్కో విద్యార్థినిని బాత్రూమ్‌కు తీసుకెళ్లిన మహిళా టీచర్లు వారి దుస్తులు తొలగించి మరీ పరీక్షించారు. ప్రిన్సిపాల్ ఎదురుగానే వారిని పరీక్షించారు. దీంతో బాధిత విద్యార్థినులు సిగ్గుతో కుంగిపోయారు.
