వివరాల్లోకి వెళితే.. భోపాల్‌కు చెందిన ఫైజాన్ అనే యువకుడు.. ఓ అమ్మాయిని ప్రేమించి పెద్దల అనుమతితో పెళ్లి చేసుకున్నాడు. ఆ తర్వాత భార్య మేనకోడలి (14)తో కూడా అక్రమ సంబంధం పెట్టుకున్నాడు. ఇద్దరూ భోపాల్‌ నుంచి మరో ప్రాంతానికి వెళ్లిపోవాలని ప్లాన్ చేశారు. పనిలో పనిగా ఫైజాన్ తన భార్య మేనకోడలితో కలసి కాన్పూర్ బయలుదేరాడు.
ఈ విషయం తెలియగానే ఫైజాన్ భార్య కుటుంబ సభ్యులు అతనిపై పోలీసులకు ఫిర్యాదు చేశారు. పోలీసులు అతని కోసం గాలింపు చర్యలు చేపట్టారు. అయితే కాన్పూర్ వెళ్లేముందే ఫైజాన్ అక్కడ ఉన్న తన స్నేహితుడికి ఫోన్ చేసి స్టోరీ మొత్తం చెప్పి, తన పెళ్లికి సహకరించాల్సిందిగా కోరాడు.
తీరా కాన్పూర్ వెళ్లాక స్నేహితుడి ఫోన్ స్విచాఫ్ రావడంతో ఫైజాన్ ప్లాన్ బెడిసికొట్టింది. దీంతో అనుమానాస్పదంగా కనిపించిన పైజాన్‌, మైనర్ బాలికను పోలీసులు కస్టడీలోకి తీసుకుని విచారించడంతో అసలు విషయం తెలిసింది.
