తన తండ్రి తల తెగనరికి పాకిస్థాన్ సైనికులకు తగిన గుణపాఠం చెప్పాలని, ఇందుకోసం 50 మంది పాక్ సైనికుల తలలు తెగనరకాలని అమరజవాను ప్రేమ్ సాగర్ కుమార్తె డిమాండ్ చేస్తోంది. అలాగే, దేశం కోసం తన తండ్రి ప్రాణ త్యాగం చేశారు.. ఆయన త్యాగం వూరికే పోదన్నారు.
జమ్మూకాశ్మీర్‌లోని నియంత్రణ రేఖ వద్ద పాక్‌కు చెందిన బోర్డర్‌ యాక్షన్‌ టీమ్ - బీఏటీ.. సరిహద్దు భద్రతా దళంపై దాడి చేసి ఇద్దరు భారత జవాన్లను పొట్టన బెట్టుకోవడమే కాకుండా అత్యంత క్రూరంగా వాళ్ల మృతదేహాలను ఛిద్రం చేశారు, ఆపై తలలను మొండెం నుంచి వేరు చేసింది. ఇందుకు ప్రతీకారంగా భారత్‌.. పాక్ బంకర్లపై దాడి చేసి ఏడుగురు సైనికులను హతమార్చిన విషయం తెల్సిందే.
