మహిళలపై అత్యాచారాలు, లైంగిక వేధింపులు పెచ్చరిల్లిపోతున్నాయి. ఈ నేరాల కింద నిందితులకు శిక్ష పడాలంటే సంవత్సరాల సమయం పట్టక తప్పట్లేదు. అయితే మధ్యప్రదేశ్‌లోని ఛత్రపూర్ జిల్లాలోని ఓ కోర్టు సంచలనం సృష్టించింది. లైంగిక వేధింపుల బాధితురాలికి మూడు వారాల్లోనే న్యాయం చేసింది. నిందితుడు నేరానికి పాల్పడినట్లు నిర్థారించి, రెండేళ్ల జైలు శిక్ష విధించింది.
వివరాల్లోకి వెళితే.. జపాన్‌కు చెందిన మెకానికల్ ఇంజినీరు (30) ఫిర్యాదుపై మేజిస్ట్రేట్ ఎస్ఎస్ జామ్రా విచారణ జరిపారు. ఖజురహోలోని ఓ టూరిస్టు కేంద్రంలోనూ, అనంతరం ఓ హోటల్‌లోనూ తనపై రామ్ రతన్ సోనీ (26) లైంగిక వేధింపులకు పాల్పడినట్లు బాధితురాలు ఆరోపించారు.
ఇంకా బాధితురాలిపై రతన్ సోనీ లైంగిక వేధింపులకు పాల్పడినట్లు రుజువుకావడంతో అతనికి రెండేళ్ల జైలు, రూ.2వేల జరిమానా విధించినట్లు మేజిస్ట్రేట్ తీర్పు ఇచ్చారు. జరిమానా చెల్లించకపోతే మరో మూడు నెలలు జైలు శిక్ష అనుభవించవలసి ఉంటుందని పేర్కొన్నారు.
