శ్మశానంలో శవాల దిబ్బలుంటాయని విని వుంటాం. కానీ ఇక్కడ భారీగా ఆభరణాలు లభించాయంటే నమ్ముతారా.. నమ్మితీరాల్సిందే. తమిళనాడు వెల్లూరులోని ఓ నగల దుకాణంలో 15కిలోల బంగారం దోచుకెళ్లిన యువకుడిని పోలీసులు అరెస్ట్ చేశారు. యూట్యూబ్ ద్వారా దోచుకోవడం నేర్చుకుని చోరీకి పాల్పడ్డాడు. విచారణలో అతను చెప్పిన విషయాలు విని పోలీసులు ఖంగుతిన్నారు.
ఈ ఘటనలో 15 కిలోల బంగారు ఆభరణాలు దోచుకెళ్లారు దొంగలు. సీసీటీవీ ఫుటేజీలో ఓ వ్యక్తి సింహం ముసుగు ధరించి, స్ప్రే పెయింట్ ద్వారా సీసీటీవీ కెమెరాల రికార్డింగ్‌ను ఆపేందుకు ప్రయత్నించి దోపిడీకి పాల్పడినట్లు కనిపించింది.
త్వరగా సంపన్నుడు కావాలనుకున్న తిఖారామ్ ప్లాన్ బయటపడటంతో పోలీసుల వలలో చిక్కుకున్నాడు. అతని వద్ద నుంచి దాదాపు రూ.10 కోట్ల విలువైన బంగారు, వజ్రాభరణాలు లభ్యమయ్యాయి. అతనిపై ఐపీసీ 457, 380 సెక్షన్ల కింద కేసు నమోదు చేశారు పోలీసులు.
