తమిళ సూపర్ స్టార్ రజనీకాంత్ రాజకీయాల్లో వస్తారనే ప్రచారం ఇటీవల కాలంలో మరోసారి ఊపందుకుంది. ఈ ప్రచారం నేపథ్యంలో ఎంజీఆర్ కళగం పార్టీ అధ్యక్షుడు ఆర్.ఎమ్. వీరప్పన్తో రజనీకాంత్ సమావేశం కావడం ప్రాధాన్యతను సంతరించుకుంది. ఏప్రిల్ 2వ తేదిన అభిమానులతో రజనీకాంత్ ఏర్పాటు చేసిన సమావేశం కూడా రాజకీయ పార్టీ ఏర్పాటు విషయమై చేసిందనే ప్రచారం కూడా సాగింది.
బాషా సినిమా ఫంక్షన్ వేదికపై నుండి అన్నాడీఎంకె ప్రభుత్వాన్ని రజనీకాంత్ చేసిన ఆరోపణలు ఆనాడు తమిళనాడులో సంచలనంగా మారాయి. జయలలిత మంత్రివర్గంలో ఉన్న వీరప్పన్‌పై వేటుపడింది. జయలలిత వీరప్పన్‌ను తన మంత్రివర్గం నుండి తొలగించారు. ఈ నెల 12 నుంచి 17వ తేదీ వరకు అభిమానులతో రజనీకాంత్ వరుస సమావేశాలను నిర్వహించనున్నారు. ఈ సమావేశాలు తమిళనాడు రాజకీయాల్లో ఆసక్తిని కల్గిస్తోంది.
