కేరళకు చెందిన 86 సంవత్సరాల ఏనుగు దాక్షాయణి పేరు గిన్నిస్ బుక్‌లో చోటుచేసుకునే అవకాశాలున్నాయి. 86 ఏళ్ల వయస్సులోనూ ఎలాంటి వృద్ధాప్య ఛాయలు లేకుండా ఈ ఏనుగు జీవనాన్ని గడుపుతోంది. ఏనుగు యజమానులైన ట్రావెన్‌కోర్‌ దేవసోమ్‌ బోర్డ్‌ గిన్నిస్ అధికారులకు ఏనుగు గురించి లేఖ రాశారు. ప్రపంచంలోనే జీవించి ఉన్న అత్యంత వృద్ధ ఏనుగుగా దాక్షాయణి గురించి లేఖలో పేర్కొన్నారు.
కేరళకు చెందిన ట్రావ‌న్‌కోర్ దేవ‌స్థాన బోర్డు ద‌గ్గ‌ర ఈ ఏనుగు ఉంది. ఇక ప్రాణాల‌తో జీవిస్తున్న ఏనుగుల్లో దాక్షాయణి ప్రపంచంలోనే అత్యంత వృధ్ధ ఏనుగు అని ట్రావ‌న్‌కోర్ బోర్డు అధ్య‌క్షుడు ప్ర‌య‌ర్ గోపాల‌కృష్ణ‌న్ తెలిపారు. కేరళ అట‌వీశాఖ రికార్డులు కూడా ఇదే విష‌యాన్ని స్ప‌ష్టం చేస్తున్నట్లు వెల్లడించారు.
