అందులో భాగంగానే ఢిల్లీలోని ఓ రెస్టారెంట్ రుచికరమైన థాలీని అందించేందుకు రెడీ అయ్యింది. రెస్టారెంట్ యజమాని సుమిత్ర కల్రా ఏకంగా థాలీకి 56 అంగుళాల మోదీజీ అని పేరు పెట్టారు. మోదీ పుట్టిన రోజు సందర్భంగా రుచికరమైన వంటకాలు సిద్ధం చేయనున్నట్లు తెలిపారు. మోదీ అంటే తమకు ఎంతో గౌరవమని తెలిపారు. ఆయన పుట్టిన రోజు సందర్భంగా రెస్టారెంట్ తరపున బహుమతి అందజేస్తామని తెలిపారు.
మోదీ పుట్టిన రోజు వేడుకల సందర్భంగా ఆయా తేదీల మధ్య తమ రెస్టారెంట్లో ఫుడ్ తినే కస్టమర్లు 8లక్షల రూపాయల విలువచేసే ఆకర్షణీయమైన బహుమతులు గెలుచుకునే అవకాశం ఉందని బంపర్‌ ఆఫర్‌ ప్రకటించారు. 56 అంగుళాల మోదీజీ థాలీని దంపతుల్లో ఎవరైనా 40 నిమిషాల్లో ఈ థాలీని పూర్తి చేస్తే వారికి రూ.8.5 లక్షలు బహుమతిగా అందజేస్తామన్నారు.
అలాగే, సెప్టెంబరు 17-26 మధ్య మా రెస్టారెంట్‌ని సందర్శించి బహుమతి గెలుచుకున్నవారికి కేథార్ నాథ్, ఛార్ దామ్ యాత్రకు పంపించనున్నట్లు రెస్టారెంట్ యజమాని తెలిపారు.
