పొలం పని కోసం వెంట తెచ్చుకున్న పని ముట్లే ఆమెకు ఆయుధాలయ్యాయి. ప్రాణాలను కాపాడుకునేందుకు క్షణాల్లోనే గొడ్డలి, కొడవలితో కమలాదేవి చిరుతపైకి ఎదురుదాడికి దిగింది. తన వద్ద ఉన్న గొడ్డలి, కొడవలి సాయంతో పులితో సుమారు 30 నిమిషాలపాటు పోరాడిన కమలాదేవి, చివరకు దాన్ని హతమార్చింది. తీవ్ర గాయాలపాలైన ఆమెను స్థానికులు ఆస్పత్రికి తరలించారు. ప్రస్తుతం ఆమె శ్రీనగర్ (గర్వాల్) ఆస్పత్రిలో చికిత్స పొందుతోంది.