జల్లికట్టు ఆందోళన నేపథ్యంలో నిరసనకారులను మెరీనా నుంచి పంపిన సందర్భంగా చెన్నైలో జరిగిన అల్లర్లకు సంబంధించిన వీడియోల పోలీసులు పరిశీలించారు. పోలీసులు ఆటోలకు నిప్పంటించిన ఓ వీడియో సోషల్ మీడియాలో హల్ చల్ చేసిన సంగతి తెలిసిందే. స్వయంగా వాహనాలకు నిప్పంటిస్తూ కనిపించిన పోలీసులను గుర్తించినట్టు చెన్నై అడిషనల్ పోలీస్ కమిషనర్ కే శంకర్ తెలిపారు.
వారెవరనే విషయం సోమవారం తెలుపుతామని.. వారిపై కఠిన చర్యలు తీసుకుంటామని చెప్పారు. నిరసనల తరువాత, పలువురు పోలీసులు వాహనాలకు నిప్పు పెడుతున్న దృశ్యాలు వీడియోల రూపంలో బయటకు రాగా, కమల్ హాసన్, అరవింద్ స్వామి వంటి వాళ్లు, పోలీసుల చర్యలపై ప్రశ్నలు సంధించిన సంగతి తెలిసిందే. పలువురు యువకులు తీసిన ఈ వీడియోలు సోషల్ మీడియాలో కలకలం రేపగా, పోలీసులు అన్నింటినీ సేకరించి పరిశీలించారు. వీరి వివరాలను సోమవారం వెల్లడిస్తామన్నారు.
