ఆధునికత పెరిగే కొద్దీ మానవీయ విలువలు గంగలో కలిసిపోతున్నాయి. తద్వారా దంపతుల మధ్య చిన్న చిన్న విషయాలకే అభిప్రాయ భేదాలు తొంగిచూస్తున్నాయి. తద్వారా విడాకులు పెరిగిపోతున్నాయి. కానీ ఓ జంట తమ మధ్య ఏర్పడిన అభిప్రాయ భేదాలను పక్కనబెట్టి పోలీసులు కౌన్సిలింగ్ ఇస్తుండగానే కలిసిపోయారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
వివరాల్లోకి వెళితే, భర్తతో పడలేక, ఛీకొట్టి వెళ్లిపోయిన ఓ యువతి అతనిపై పోలీస్ స్టేషన్‌లో ఫిర్యాదు చేసింది. ఈ కేసుపై దర్యాప్తు జరిపిన పోలీసులు ఇద్దరినీ కౌన్సిలింగ్ కోసం పిలిపించారు. పోలీసులతో సదరు యువతి భర్తపై ఆగ్రహాన్ని వ్యక్తం చేస్తూ.. అతనిపై ఫిర్యాదు చేసింది. ఇక లాభం లేదనుకున్న భర్త.. ఓ పాట అందుకున్నాడు.
