యూపీలో ఓ మహిళా హాస్టల్ వార్డెన్ ఓవరాక్షన్ చేసింది. గత ఫిబ్రవరి నెల 26వ తేదీ యూపీ ముజఫర్ నగర్లోని కస్తూరి గాంధీకి చెందిన 70 మంది విద్యార్థినుల దుస్తులను విప్పించి, వారిని నగ్నంగా నిలబెట్టి.. నెలసరి పరీక్షలు చేయించింది. ఈ ఘటన ఆలస్యంగా వెలుగులోకి వచ్చింది. వివరాల్లోకి వెళితే.. హాస్టల్ వార్డెన్ సురేఖ తోమర్.. విద్యార్థినుల పట్ల ఓవరాక్షన్ చేసింది.
ఈ అకృత్యం లేటుగా వెలుగులోకి వచ్చింది. ఈ ఘటనపై బాధిత విద్యార్థినులు బంధువుల ద్వారా పోలీసులకు ఫిర్యాదు చేశారు. ఈ ఘటనపై మహిళా సంఘాలు సీరియస్ అయ్యాయి. హాస్టల్ వార్డెన్‌పై కఠిన చర్యలు తీసుకోవాలని డిమాండ్ చేస్తున్నాయి. ఇప్పటికే హాస్టల్ వార్డెన్ సస్పెండ్ అయ్యింది. ఈ దుర్ఘటనపై పోలీసులు కేసు నమోదు చేసుకుని దర్యాప్తు జరుపుతున్నారు.
