తాజాగా అదే యూపీ గోరఖ్ పూర్‌లో ఓ యువతిని దారుణంగా వేధించారు.
చెన్నైలో ప్రేమకు నో చెప్పిందని.. ఇంటికెళ్లి మరీ యువతికి పెట్రోల్ పోసి సజీవదహనం చేసిన ఘటన మరవకముందే.. ఇదే తరహాలో ఓ యువతి ఇంటికెళ్లిన ఓ యువకుడు ఆమెను బయటికి రావాల్సిందిగా అరిచాడు. రోడ్డుపై నిలుచుని రాయితో కిటికీలను పగులకొట్టాడు. తనతో పాటు పది మంది యువకులను వెంటబట్టుకుని వచ్చాయి. చివరికి సదరు యువకుడి అరుపులకు తాళలేక బాధిత యువతి ఇంటి నుంచి బయటికొచ్చి.. యువకుడితో వాదనకు దిగింది.
ఇంతలో యువకుడి స్నేహితుడు యువతి చెంప చెల్లుమనిపించాడు. ఆపై స్నేహితులందరూ ఆ యువతిని చావబాదారు. యువతిని కాపాడే క్రమంలో బయటకు వచ్చిన ఆమె తల్లిపై కూడా యువకులు దాడికి పాల్పడ్డారు. ఈ ఘటన ఈ నెల 12వ తేదీన జరిగింది. సీసీటీవీ ఫూటేజ్‌లో ఈ ఘటనకు సంబంధించినదంతా అరాచకం బయల్పడింది. దీనిపై పోలీసులు కేసు నమోదు చేశారు. ఈ వీడియోనూ మీరూ చూడండి.
