మేఘాలయ రాష్ట్రానికి చెందిన ఓ మహిళ కడుపులోకి టూత్ బ్రష్ ఒకటి వెళ్లిపోయింది. దీన్ని ఎలాంటి ఆపరేషన్ లేకుండానే వైద్యులు తొలగించారు. తాజాగా వెలుగులోకి వచ్చిన ఈ వివరాలను పరిశీలిస్తే, మేఘాలయా రాజధాని షిల్లాంగ్‌లోని లోయర్ మాప్రెమ్‌కు చెందిన ఓ 50 యేళ్ళ మహిళ ఉదయాన్ని దంతాలను టూత్‌బ్రష్‌తో శుభ్రం చేసుకుంటూ పొరపాటున దాన్ని మింగేసింది.
ఆ తర్వాత ఆమె నెల రోజుల పాటు ఎలాంటి అనారోగ్యానికిగురికాలేదు. అయినప్పటికీ ఆమె వైద్యులను సంప్రదించి, జరిగిన విషయాన్ని చెప్పింది. దీంతో వైద్యులు ఆమెకు ఎలాంటి ఆపరేషన్ చేయకుండా ఆ టూత్‌బ్రష్‌ను వెలికితీశారు.
దీనిపై ఆమెకు చికిత్స అందించిన సివిల్ ఆస్పత్రి వైద్యుడు డాక్టర్ ఇసాక్ సయీమ్ స్పందిస్తూ, 'షిల్లాంగ్‌లో ఇటువంటి చికిత్స అందించడం మొదటిసారి. ఆమె కడుపులో టూత్బ్రష్ ఉందని తెలుసుకుని మొదట తామంతా ఆశ్చర్యానికి గురయ్యాం.
