పిల్లలు స్నాక్స్ అంటే చాలా ఇష్టంగా తింటారు. మరి వారికి ఎప్పుడూ ఒకే విధంగా చికెన్‌తో కూరలు, పకోడీలు వంటివి చేసిస్తే ఎలాంటి ప్రయోజనాలుండవని చెప్తున్నారు. కాబట్టి వారికి నచ్చే విధంగా బజ్జీలు ఎలా చేయాలో చూద్దాం..
ముందుగా కుక్కర్‌లో కొద్దిగా నూనె వేసి ఉల్లిపాయలు వేయించి అందులో చికెన్, పసుపు, కారం, గరం మసాలా, ఉప్పు, కొత్తిమీర, కరివేపాకు వేసి బాగా వేయించాలి. ఆ తరువాత కొద్దిగా నీరు పోసి కుక్కర్ మూతపెట్టి ఒక విజిల్ వచ్చేంత వరకు ఉంచి తరువాత దించేయాలి. ఇప్పుడు మైడాపిడిలో కొద్దిగా ఉప్పు, నీళ్లు వేసి చపాతీ పిండిలా కలుపుకోవాలి.
ఈ పిండిని చిన్న చిన్న ముద్దలుగా తీసుకుని పూరీల్లా వత్తాలి. తరువాత పూరీని కత్తితో సన్నసన్నని రిబ్బన్స్‌లా కట్ చేయాలి. మిర్చీకి బాటు పెట్టి అందులో ముందుగా తయారుచేసిన చికెన్ మిశ్రమాన్ని నింపాలి. ఇలా నింపిన మిర్చీనీ కట్ చేసిన పూరీ రిబ్బన్స మీద ఉంచి రోల్ చేసి నూనెలో వేయించుకోవాలి. అంటే.. చికెన్ బజ్జీ రెడీ..
