ముఖ్యంగా మహిళలు రుతుస్రావం అవుతున్న సమయంలో తులసి చెట్టును అస్సలు తాకకూడదు. వారి నీడ కూడా పడకూడదు. రాత్రి సమయాల్లో తులసి ఆకులను తుంచకూడదు. అలాగే గ్రహణ సమయాల్లో తులసి ఆకులను తుంచితే చాలా అరిష్టం. తులసి చెట్టు వద్ద నిత్యం దీపం వెలిగించి పూజ చేయాలి. ఆకులను తుంచేటప్పుడు నేను ఆరోగ్యంగా ఉండాలనుకుంటున్నాను తల్లి.. నా ఆరోగ్యాన్ని ఎల్లవేళలా కాపాడు అని తులసి ఆకులను అప్పుడు తుంచాలి.
తులసి ఆకులను నోటిలో వేసుకొని నమలకూడదు. ఇందులోని ఆమ్లం దంతాలకు హాని చేస్తుంది. నీళ్లలోను, టీలో కలిపి తులసి ఆకుని తీసుకోవాలి. ఎండిపోయిన ఆకులు రాలితే వాటిని చీపుర్లతో ఊడ్చకూడదు. తులసి మొక్క ఎండిపోతే పక్కనే ఒక గుంత తీసి పూడ్చిపెట్టాలి. పూడ్చి పెట్టకుంటే నీటి గుంటలో అయినా వేయాలి. ఎండిపోయిన తులసి చెట్టు ఇంట్లో ఉంటే అస్సలు మంచిది కాదు.
