తిరుమలకు వెళితే పుణ్యం వస్తుందని, శ్రీవారిని దర్శించుకుంటే తెలియని ఆనందం వస్తుందని అందరూ అనుకుంటారు. కానీ తిరుమలకు వెళితే మాత్రం మీ పిల్లలను ఎత్తుకెళ్ళే ముఠా ఒక తిరుగుతోందన్న విషయాన్ని మాత్రం గుర్తించుకోండి. తిరుమలలో పిల్లను కిడ్నాప్ చేసే ముఠాను గుర్తించారు పోలీసులు. గత కొన్ని నెలలుగా ఈ ముఠా తిరుమలలో తిరుగుతూ పిల్లలను ఎత్తుకెళ్ళిపోతున్నారని పోలీసులు వాట్సాప్ ద్వారా ఫోటోలను విడుదల చేశారు.
అనంతపురం జిల్లా వజ్రకరూర్ మండలం ఉరవకొండ గ్రామానికి చెందిన వెంకటేష్‌ కుటుంబ సభ్యులు నిన్న తిరుమల శ్రీవారికి దర్శనార్థం వచ్చారు. గదులు దొరక్కపోవడంతో గుడి ముందే పడుకున్నారు. ఈ రోజు తెల్లవారుజామున 5.56 నిమిషాలకు భార్యాభర్తలు గాఢనిద్రలో ఉండగా వారి సంవత్సరం బిడ్డ చెన్నకేశవులను ఒక కిడ్నాపర్ కిడ్నాప్ చేశాడు.
