తితిదే అన్నప్రసాదంలో అవి గారెలా? వడలా?: తితిదే ఛైర్మన్‌కి ప్రశ్నల వర్షం

తిరుమల తిరుపతి అన్నప్రసాదం మెనూలో అదనంగా మరో వంటకాన్ని చేర్చారు తితిదే చైర్మన్ బీఆర్ నాయుడు. శ్రీవారి ప్రసాదంలో ఇంతకుముందు వున్నటువంటి ఓ వంటకాన్ని తిరిగి భక్తులకు అందించాలన్న తన ఆలోచనను ముఖ్యమంత్రి చంద్రబాబు దృష్టికి తీసుకెళ్లారట. వెంటనే ముఖ్యమంత్రి తితిదే చైర్మన్ యోచనకు అంగీకారం తెలపడంతో భక్తులకు ఈరోజు నుంచి రుచికరమైన అన్నప్రసాదంలో మరో వంటకం వచ్చి చేరింది.

ఈ సందర్భంగా తితిదే చైర్మన్ తన ట్విట్టర్ హ్యాండిల్ ద్వారా తెలియజేస్తూ...  ఉ 10:30 నుండి సా 4 గంటల వరకు ప్రతిరోజు 35 వేల గారెలను భక్తులకు వడ్డిస్తాం. భవిష్యత్తులో ఈ సంఖ్యను మరింతగా పెంచి, భక్తులకు రుచికరమైన భోజనం అందిస్తాం'' అని పేర్కొన్నారు.

ఈ సందేశాన్ని చూసిన పలువురు భక్తులు వడ్డిస్తున్నవి గారెలు కాదు చైర్మన్ గారూ... అవి వడలు అంటూ వెల్లడిస్తున్నారు. మరికొందరేమో.. ఈ వడలు ఎందుకండీ చక్కగా దీని బదులు ప్రసాదంగా ఇచ్చే పెద్ద వడలు అందరికీ లభ్యం అయ్యేటట్లు చూడండి అంటూ సలహా ఇస్తున్నారు.

చైర్మన్ గా బాధ్యతలు స్వీకరించాక అన్నప్రసాదం మెనూ లో అదనంగా ఒక పదార్థం పెట్టాలని ఆలోచన నాకు కలిగింది

నా ఆలోచనను సీఎం దృష్టికి తీసుకెళ్లాను, ఆయన అంగీకారంతో ...గారెలనుఇవాళ ప్రవేశపెట్టాం

నాణ్యమైన దినుసులతో భక్తులకు రుచికరమైన అన్నప్రసాదాలను మా అధికారులు వడ్డిస్తున్నారు

ఉ 10:30… pic.twitter.com/Mli9yayyoR

— B R Naidu (@BollineniRNaidu) March 6, 2025