ప్రేమ మాటలకందని తియ్యని అనుభూతి. ప్రేమలో పడని, ప్రేమను ఆశించని వ్యక్తి ఎవరూ ఈ ప్రపంచంలో ఉండరు. ఎంత గొప్ప వ్యక్తి అయినా ఏదో ఒక దశను ప్రేమను దాటుకునే వచ్చుంటారు. అలాంటి ప్రేమికుల కోసం ఫిబ్రవరి 14న ప్రతి ఏడాది ప్రేమికుల దినోత్సవాన్ని జరపడం ఆనవాయితీగా మారింది.
ఒక వారం ముందు నుండే ఈ వేడుకలు ప్రారంభమవుతాయి. మొదటి రోజు అయిన రోజ్ డే, ఆ రోజున ప్రేమికులు ఒకరికొకరికి రోజూ పూలు ఇచ్చి పుచ్చుకుంటారు, ఇందులో ఒక్కో రంగు రోజా ఒక్కోదానికి సంకేతంగా భావిస్తారు.
కొత్తగా తమ ప్రేమను ప్రపోజ్ చేయాలనుకునేవారు ఈ రోజు కోసం ఎదురుచూస్తుంటారు, అంతేకాకుండా ఇప్పటికే ప్రేమించుకుంటున్నవారు మరోసారి తమ ప్రేమను ఒకరికొకరు చెప్పుకుని వారి ప్రేమ బంధాన్ని మరింత పదిలం చేసుకుంటారు. మరికొంత మంది సర్‌ప్రైజ్ బహుమతులతో తమ ప్రేమను వ్యక్తం చేస్తారు.
