India 5th Title In Men's Junior Asia Cup Hockey మస్కట్ వేదికగా జరిగిన పురుషుల జూనియర్ ఆసియా కప్ హాకీ టోర్నీలో భారత్ హ్యాట్రిక్ విజయాన్ని సొంతం చేసుకుంది. ఈ మ్యాచ్‌లో చిరకాల ప్రత్యర్థి పాకిస్థాన్‌ను చిత్తుగా ఓడించింది. 5-3 గోల్స్ తేడాతో మట్టి కరిపిచింది. దీంతో వరుసగా మూడోసారి ట్రోఫీని సొంతం చేసుకుంది. ఓవరాల్‌గా భారత్ ఈ టైటిల్ గెలవడం ఐదోసారి కావడం గమనార్హం. భారత్ తరపున ఆర్జీత్ సింగ్ నాలుగు, దిల్ రాజ్ సింగ్ ఒక గోల్ కొట్టారు.
భారత్ మొదటిసారి 2004లో మెన్స్ జూనియర్ ఆసియా కప్ టైటిల్‌ను గెలిచింది. ఆ తర్వాత 2008, 2015, 2023,. 2024లో ఈ ట్రోఫీని కైవసం చేసుకుంద. దీంతో ఇప్పటివరకు అత్యధిసార్లు ఈ టైటిల్‌ను గెలిచిన జట్టుగా భారత్ నిలిచింది. భారత్ తర్వాత పాకిస్థాన్ జట్టు మూడుసార్లు ఈ టైటిల్‌ను కైవసం చేసుకుంది.
మరోవైపు, ఈ ట్రోఫీ గెలిచిన సందర్భంగా ఆటగాళ్లు, సిబ్బందికి హాకీ ఇండియా నగదు బహుమతిన ప్రకటించింది. ఒక్కో ఒటగాడికి రూ.2 లక్షలు, అలాగే, సిబ్బందికి రూ.లక్ష చొప్పున రివార్డు ఇవ్వనున్నట్టు తెలిపింది.
