ఆ సమయంలో బీటౌన్‌ బ్యూటీ మాధురి దీక్షిత్ నటించిన పాపులర్ సాంగ్ 'ఆజా నాచ్లే' పాటకు డ్యాన్స్‌ చేస్తూ స్వీమ్‌ చేశారు. అన్నే దానం అనే ట్విట్టర్‌ యూజర్ ఈ వీడియోను షేర్ చేశారు. ఈ వీడియో ప్రస్తుతం నెట్టింటా వైరల్‌గా మారడంతో నెటిజన్లు ఇజ్రాయెల్ స్విమర్స్‌ బాలీవుడ్‌ పాటను ఎంచుకున్నందుకు ప్రశంసలు కురిపిస్తున్నారు.
స్విమ్మింగ్‌లో వారి స్టైల్‌కు ఫిదా అయిపోతున్నారు. ఒలింపిక్స్‌లో బాలీవుడ్‌ సాంగ్ వినిపించడం పట్ల హర్షం వ్యక్తం చేస్తున్నారు. కాగా మాధురి దీక్షిత్, కొంకణ సేన్, కునాల్ కపూర్, అక్షయ్ ఖన్నా ప్రధాన పాత్రల్లో నటించిన చిత్రం ఆజా నాచ్లే . 2007లో విడుదలైన ఈ చిత్రానికి అనిల్ మెహతా దర్శకత్వం వహించారు.
