అమెరికాకు చెందిన కిర్స్టీన్ ఆర్మ్‌స్ట్రాంగ్‌ సరికొత్త రికార్డును సృష్టించింది. రియో ఒలింపిక్స్ క్రీడల్లో సైక్లింగ్‌ మహిళల వ్యక్తిగత టైమ్‌ ట్రయల్‌ విభాగంలో బంగారు పతకాన్ని కైవసం చేసుకుంది. తాజాగా జరిగిన ఈ రేసులో వర్షం కారణంగా రోడ్డు తడిగా ఉన్నప్పటికీ.. ముక్కు వెంట రక్తం కారుతున్నప్పటికీ ఆరు సెకన్ల తేడాతో సమీప ప్రత్యర్థిని ఓడించి అగ్రస్థానంలో నిలిచింది.
మరో రోజులో 43వ పడిలోకి అడుగుపెట్టనున్న కిర్స్టీన్ 44 నిమిషాల 26.42 సెకన్లతో రేసును పూర్తి చేసి స్వర్ణం దక్కించుకుంది. ఈ విభాగంలో కిర్‌స్టీన్‌కిది వరుసగా మూడో ఒలింపిక్‌ స్వర్ణం కావడం విశేషం. కాగా.. ముక్కువెంట రక్తం కారుతున్నప్పటికీ రేసు పూర్తి చేసిన కిర్స్టీన్ పోటీ ముగియగానే రోడ్డుపైనే కుప్పకూలిపోయింది.
