తొలి మ్యాచ్ లోనే రెండో సీడ్ సిమోనా హలెప్‌ను 6-4, 4-6, 6-3 తేడాతో మట్టికరిపించింది. మంగళవారం తెల్లవారుజామున జరిగిన ఈ మ్యాచ్‌లో షరపోవా ఆద్యంత మెరుగైన ఆటతీరును ప్రదర్శించింది.
తీవ్ర ఒత్తిడికి లోనైన హలెప్ మ్యాచ్‌పై పట్టు కోల్పోయింది. దీంతో మరియా షరపోవా గెలుపును నమోదు చేసుకుంది. మ్యాచ్ అనంతరం షరపోవా మాట్లాడుతూ, గెలవాలనే పట్టుదలతోనే బరిలోకి దిగానని... అంచనాలకు మించి రాణించాననే ఆనందం లభించిందని తెలిపింది. డోపింగ్ టెస్టులో పట్టుబడిన షరపోవా 15 నెలల పాటు నిషేధానికి గురైన సంగతి తెలిసిందే.
