అమెరికా టెన్నిస్ స్టార్‌ సెరెనా విలియమ్స్ అనుచితంగా ప్రవర్తించింది. దీంతో ఆమెకు ఊహించని షాక్ తగిలింది. శనివారం జరిగిన యూఎస్ ఓపెన్ మహిళల ఫైనల్‌ మ్యాచ్‌లో సెరెనా మూడు సార్లు నిబంధనలు ఉల్లంఘించినందుకు గాను 17,000 యూఎస్ డాలర్ల జరిమానాను అసోసియేషన్ విధించింది.
కోచ్‌ నుంచి సంకేతాల రూపంలో సలహాలు అందుకుంటోందని, ఇది నిబంధనలకు విరుద్ధమని చైర్‌ అంపైర్‌ సెరెనాకు హెచ్చరిక జారీ చేశారు. ఈ హెచ్చరికలను విభేదించడం, అసహనంతో రాకెట్‌ విరగ్గొట్టడం, తీవ్ర పదజాలంతో చైర్‌ అంపైర్‌ను దూషించినందుకుగాను జరిమానా విధిస్తున్నట్లు అసోషియేషన్‌ పేర్కొంది.
క్రీడల్లో మహిళలకు, పురుషులకు వేరువేరు నిబంధనలు ఉండటం సమంజసం కాదని పలువురు మాజీ క్రీడాకారులు తప్పుపట్టారు. మహిళల టెన్నిస్ అసోషియేషన్‌, అభిమానుల నుంచి సెరెనాకు భారీ మద్దతు లభిస్తోంది.
