హాలీవుడ్ సెలబ్రిటీ జంట ఏంజెలినా జోలీ, బ్రాడ్ పిట్‌లు సుమారుగా 11 యేళ్ళ పాటు సహజీవనం చేయగా, వీరికి నలుగురు పిల్లలు. మరో ఇద్దరు పిల్లలను దత్తత తీసుకున్నారు. దీంతో మొత్తం ఆరుగురు పిల్లలు.
ఆ సమయంలో కుటుంబ పోషణ, పిల్లల సంరక్షణ కోసం బ్రాడ్ పిట్ రూ.61 కోట్లు ఇచ్చాడట. కానీ, ఏంజెలినా జోలీ మాత్రం మరోలా ఆరోపిస్తోంది. తనకు తగినంత నగదు ఇవ్వలేదని తాజాగా కోర్టును ఆశ్రయించింది.
దీనిపై పిట్ స్పందించాడు. విడాకుల సమయంలో జోలీకి రూ.61 కోట్లు(9 మిలియన్ డాలర్లు) ఇచ్చానని చెప్పాడు. తన పేరు చెడగొట్టేందుకే జోలీ ఇలాంటి వ్యాఖ్యలు చేస్తోందని ఆవేదన వ్యక్తంచేశాడు. కాగా, చిన్నారులను తనకూ జాయింట్ కస్టడీకి ఇవ్వాలని పిట్ న్యాయస్థానంలో పిటిషన్ దాఖలుచేశాడు. దాదాపు 11 ఏళ్ల పాటు ఈ జంట సహజీవనం చేసింది.
