క్లే కోర్టు రారాజుగా పేరొందిన స్పెయిన్ బుల్ రఫెల్‌ నాదల్‌ చివరి గ్రాండ్‌స్లామ్‌ టోర్నీలో హార్డ్‌కోర్టులోనూ యూఎస్‌ ఓపెన్ విజేతగా అవతరించాడు. కెరీర్‌లో 31 ఏళ్ల వయస్సులో స్వీట్‌ సిక్స్‌ టీన్‌ 'గ్రాండ్‌' టైటిల్‌తో న్యూయార్క్‌లో మెరిశాడు. ఏకపక్షంగా సాగిన చివరి గ్రాండ్‌స్లామ్‌ ఫైనల్లో నెం:1 సీడ్‌ నాదల్‌ దక్షిణాఫ్రికాకు చెందిన 28వ సీడ్‌ కెవిన్‌ అండర్సన్‌ను 6-3,6-3,6-4తో ఓడించాడు.
దీంతో కెరీర్‌లో 16 గ్రాండ్‌స్లామ్‌ను ఖాతాలో వేసుకోవడంతోపాటు మూడో యూఎస్‌ ఓపెన్‌ను నాదల్‌ సాధించాడు. అంతకుముందు న్యూయార్క్‌ వేదికగా 2010, 2013ల్లో ఈ టైటిల్‌ను సాధించాడు. అతని కెరీర్‌లో 2017 కీలకమైన మరుపురాని సంవత్సరంగా నిలిచిపోనుంది. ఈ యేడాదిలో నాదల్‌కు ఇది ఐదో టైటిల్‌ కావడం గమనార్హం.
ఓవరాల్‌గా ఇది 74 టైటిల్‌. భారీ ప్రైజ్‌మనీ 3.7 మిలియన్‌ల యూరోలను సొంతం చేసుకున్నాడు. 31 ఏళ్ల నాదల్‌ ఇక స్విస్‌ స్టార్ రోజర్‌ ఫెడరర్‌ అత్యధిక గ్రాండ్‌స్లామ్‌ టైటిళ్లు 19 సాధనపైనే గురి పెట్టాల్సి ఉంటుంది. పీట్‌ సంప్రాస్‌ 16 గ్రాండ్‌స్లామ్‌ టైటిళ్ల రికార్డును నాదల్‌ సమం చేశాడు. సెర్బియా స్టార్ ఆటగాడు నొవాక్‌ జకోవిచ్‌ 12 గ్రాండ్‌స్లామ్‌లతో మూడో స్థానంలో నిలిచాడు.
2017లో నాదల్‌ టైటిళ్లు:
యూఎస్‌ ఓపెన్ (హార్డ్‌కోర్టు), ఫ్రెంచ్‌ ఓపెన్( క్లే కోర్టు), ఏటిపి వరల్డ్‌ టూర్‌ మాస్టర్స్‌ 100 మాడ్రిడ్‌( క్లే కోర్టు), బార్సిలోనా (క్లే కోర్టు), మోంటో కార్లో (క్లే కోర్టు)
16 గ్రాండ్‌స్లామ్‌ టైటిళ్లు ఇవే..
ఆస్ట్రేలియా ఓపెన్(1) : 2009
ఫ్రెంచ్‌ ఓపెన్ టైటిళ్లు(10) : 2005, 2006, 2007, 2008, 2010, 2011, 2012, 2013, 2014, 2017
