ఆదివారం జరిగిన ప్రిక్వార్టర్స్‌లో రష్యా పెనాల్టీ షూటౌట్‌లో 4-3తో స్పెయిన్‌ను ఓడించి క్వార్టర్‌ఫైనల్లోకి ప్రవేశించింది. మ్యాచ్ నిర్ణీత సమయంలో ఇగ్నాషెవిచ్ (12వ ని.) ఓన్ గోల్ చేయగా, జ్యూబా (41వ ని.) పెనాల్టీని గోల్‌గా మలిచాడు.
నిజానికి ఒక దశలో ఇరు జట్ల గోల్స్ సమం కావడంతో రెండో అర్థభాగంలో ఇరుజట్లు మరింత మెరుగ్గా ఆడే ప్రయత్నం చేశాయి. సబ్‌స్టిట్యూట్‌లు లేకుండా స్పెయిన్ బరిలోకి దిగితే, రష్యా డీప్ పాస్‌లతో బంతిని ఎక్కువసేపు ఆధీనంలో పెట్టుకునే ప్రయత్నం చేసింది.
ఈ దశలో హిరెరో వ్యూహం మార్చి ఎదురుదాడికి పురిగొల్పాడు. దీంతో బలమైన రష్యన్ డిఫెన్స్‌పై స్పెయిన్ అటాకింగ్ మొదలుపెట్టినా పెద్దగా ప్రయోజనం చేకూరలేదు. స్పెయిన్‌కు ఆఖరులో రెండు అవకాశాలు వచ్చాయి. ఇనెస్టా కొట్టిన సూపర్ స్ట్రయిక్‌ను రష్యా గోలీ అక్నిఫివ్ సమర్థంగా నిలువరించగా, కొద్దిసేపటికే అస్పాస్ రైట్ కార్నర్ నుంచి సంధించిన బలమైన ఫ్రీ కిక్‌ను కూడా అక్నిఫివ్ అడ్డుకున్నాడు.
