పరీక్షలన్నీ అయిపోయాయి, చివరి పరీక్ష మాత్రం మిగిలి ఉంది, దానిని వ్రాసిన తర్వాత స్నేహితులతో కలిసి ఆనందంగా గడపాలనుకున్నారు ఇద్దరు స్నేహితులు. ఎన్నో ప్రణాళికలు సిద్ధం చేసుకున్నారు. పరీక్షకు హాజరుకాబోయే ముందు వారిని మృత్యువు కబళించింది. ఒకరు అక్కడిక్కడే చనిపోగా, మరొకరు చావు అంచు వరకూ వెళ్లాడు.
వివరాల్లోకి వెళితే.. మెహిదీపట్నం ప్రాంతానికి చెందిన సయ్యద్‌ ఫౌజన్, యూసుఫ్‌గూడ సమీపంలోని శ్రీరాంనగర్‌లో నివసించే మహ్మద్‌ షహీర్‌ సుభాన్‌ స్నేహితులు. ఇద్దరూ సోమాజిగూడలోని రూట్స్‌ కళాశాలలో ఇంటర్‌ మొదటి సంవత్సరం చదువుతున్నారు. మంగళవారం చివరి పరీక్ష ఉండగా ఫౌజన్ తన ద్విచక్రవాహనంలో పరీక్ష కేంద్రానికి బయలుదేరాడు.
