తెలంగాణ బీజేపీ చీఫ్ బండి సంజయ్ అరెస్ట్ అయ్యారు. టీఎస్‌పీఎస్సీ ప్రశ్నాపత్రాల లీకేజీ వ్యవహారంలో సిట్టింగ్ జడ్జితో విచారణ జరిపించాలనే డిమాండ్‌తో హైదరాబాద్ గన్ పార్క్ వద్ద నిరసన దీక్ష చేపట్టిన సంగతి తెలిసిందే. కానీ ఈ పోలీసులు ఈ దీక్షను భగ్నం చేశారు.
టీఎస్‌పీఎస్సీ కార్యాలయానికి ర్యాలీగా బయల్దేరుతున్న సంజయ్‌ని అరెస్ట్ చేశారు. సంజయ్‌తో పాటు బీజేపీ ఎమ్మెల్యే ఈటెల రాజేందర్‌ను కూడా పోలీసులు అదుపులోకి తీసుకున్నారు.
సంజయ్ అరెస్ట్ సందర్భంగా పోలీసులను బీజేపీ కార్యకర్తలు అడ్డుకున్నారు. దాంతో వారి మధ్య తీవ్ర వాగ్యుద్ధం చోటుచేసుకోగా, ఉద్రిక్తత నెలకొంది.
