దొంగను పట్టుకోవాల్సిన ఎస్సై తానే దొంగగా మారిన ఘటన హైదరాబాద్ మీర్‌పేట్ పోలీస్‌స్టేషన్ పరిధిలో జరిగింది. ఆ వివరాలను పరిశీలిస్తే... బడంగ్‌పేట్ నగర పంచాయతీ పరిధిలోని అల్మాస్‌గూడ శ్రీశ్రీహోంలో శివప్రసాద్ అనే వ్యక్తి నివాసముంటున్నాడు. ఇటీవల ఆయన కుటుంబ సమేతంగా కరీంనగర్‌కు వెళ్లారు. ఇదే అదనుగా భావించిన ఎస్సై మహేందర్‌రెడ్డి శుక్రవారం తెల్లవారుజామున 2.30 గంటలకు తాళాలు పగలగొట్టి ఇంట్లో చొరబడ్డాడు.
శివప్రసాద్, స్థానికులు అతన్ని పట్టుకుని వివరాలు విచారించగా తాను దొంగనని, ఇంట్లో దొంగతనం చేయడానికి వచ్చానని చెప్పాడు. దీంతో మీర్‌పేట్ పోలీసులకు సమాచారమిచ్చి వారికి అప్పగించారు. అతడిని అదుపులోకి తీసుకున్న మీర్‌పేట పోలీసులు కటకటాల వెనక్కి పంపారు. చోరీయత్నం కేసు నమోదు చేసుకుని, రిమాండ్‌కు తరలించినట్లు ఇన్‌స్పెక్టర్‌ రంగస్వామి తెలిపారు.
